នាថ្ងៃសុក្រ ៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកក្កដា ឆ្នាំ២០២៦ នៅទីស្តីការរដ្ឋលេខាធិការដ្ឋានអាកាសចរណ៍ស៊ីវិល  ឯកឧត្តម  ទិត្យ  ពៅ  រដ្ឋលេខាធិការ   នៃរដ្ឋលេខាធិការដ្ឋានអាកាសចរណ៍ស៊ីវិល   តំណាងដ៏ខ្ពង់ខ្ពស់   ឯកឧត្តមបណ្ឌិតរដ្ឋមន្រ្តី ម៉ៅ ហាវណ្ណាល់ និងក្រុមការងារអមដោយ ឯកឧត្តម ឈុន ស៊ីវន អនុរដ្ឋលេខាធិការ ឯកឧត្តម សារិន គុណ្ណករ អគ្គនាយក ព្រមទាំងលោក ហៀង វណ្ណឌី ប្រធាននាយកដ្ឋានឧតុនិយមអាកាសចរណ៍ និងមន្រ្តីជំនាញបានប្រជុំពិភាក្សាការងារជាមួយ ឯកឧត្តម ចាន់ ស៊ីណាត រដ្ឋលេខាធិការ ក្រសួងធនធានទឹក និងឧតុនិយម និងគណៈប្រតិភូ ដើម្បីផ្លាស់ប្តូរបទពិសោធន៍លើការងារព្យាករណ៍អាកាសធាតុ និងសិក្សាបទពិសោធន៍ ការងារ ហេដ្ឋារចនាសម្ព័ន្ធ ឧបករណ៍ឧតុនិយម ប្រព័ន្ធរ៉ាដា និងផ្កាយរណប។

   បន្ទាប់ពីកិច្ចប្រជុំ លោក ហៀង វណ្ណឌី បានដឹកនាំ គណៈប្រតិភូ ចុះពិនិត្យជាក់ស្តែងនូវបច្ចេកទេស និងឧបករណ៍ទំនើបៗ ដែលបម្រើឱ្យវិស័យអាកាសចរណ៍ស៊ីវិល រួមមាន៖ ប្រព័ន្ធរ៉ាដា អាកាសធាតុ ផ្កាយរណប និងប្រព័ន្ធត្រួតពិនិត្យការហោះហើរ នៅអាកាសយានដ្ឋានអន្តរជាតិតេជោ។