នាយកដ្ឋានឧតុនិយមអាកាសចរណ៍ ស្ថិតក្រាមការដឹកនាំរបស់រដ្ឋលេខាធិការដ្ឋានអាកាសចរណ៍ស៊ីវិលដោយមានការចង្អុលបង្ហាញពីសំណាក់ ឯកឧត្តមបណ្ឌិតរដ្ឋមន្ត្រី និងឯកឧត្តមអគ្គនាយកដ្ឋានប្រតិបត្តិការ និងសេវាកម្ម ដើម្បីឆ្លើយតបទៅនឹងតម្រូវការរបស់អង្គការអាការចរណ៍ស៊ីវិលអន្តរជាតិ និង អង្គការឧតុនិយមពិភពលោក រដ្ឋលេខាធិការដ្ឋានអាកាសចរណ៍ស៊ីវិលតម្រូវអោយមានការិយាល័យគុណភាព និង សុវត្ថិភាពឧតុនិយមអាកាសចរណ៍ ដើម្បីធានានូវការផ្តល់ព័ត៌មានឧតុនិយមប្រកបដោយគុណភាពនិងសុវិត្ថភាព។

នៅថ្ងៃចន្ទ ៦កើត ខែមាឃ ឆ្នាំរោង ឆស័ក ព.ស២៥៦៨ ត្រូវនិងថ្ងៃទី០៣ ខែមករា ឆ្នាំ២០២៥ មន្ត្រីក្នុងការិយាល័យគុណភាពនិងសុវត្ថិភាពឧតុនិយមអាកាសចរណ៍(QMS)ជាមួយមន្រ្ដីជំនាញ  និងមន្ដ្រីរដ្ឋបាលការិយាល័យទាំងអស់ ដែលចំណុះនាយកដ្ឋានឧតុនិយមអាកាសចរណ៍ បានចូលរួមវគ្គបណ្ដុះបណ្ដាល ការអនុវត្តការងារលើកិច្ចការគ្រប់គ្រងឯកសារសម្រាប់ប្រព័ន្ធគ្រប់គ្រងគុណភាព ISO 9001:2015 និងគោលការនៃការរៀបចំផែនការសម្រាប់ធ្វើសវនកម្មផ្ទៃក្នុងប្រកបដោយប្រសិទ្ឋភាព វិសាលភាពសវនកម្ម ភស្ដុតាងសវនកម្ម លក្ខណ:វិនិច្ឆ័យសវនកម្ម វិធីសាស្ដ្រសវនកម្ម គម្រងសវនកម្ម គោលបំណងនៃសវនកម្ម របៀបនៃការសសេរ និងខ្លឹមសារនៅក្នុងរបាយការណ៍សវនកម្ម ស្វែងយល់អំពីតម្រូវការ និងទំនាក់ទំនងរវាងISO តាមផ្នែកនីមួយៗនៃ (ISO9001:2015 ISO14001:2015 ISO45001:2018)។ បន្ទាប់ពីបានសិក្សាអំពីបទបញ្ញាត្តិ និងនិតិវិធីនៃការធ្វើសវនកម្មផ្ទៃក្នុងរួចមក សិក្ខាកាមបានចុះអនុវត្តជាក់ស្ដែងលើការ ត្រួតពិនិត្យឧបករណ៏ ទីតាំងដែលត្រូវបំពេញការងារនៅអាកាសយានដ្ឋានអន្ដរជាតិតេជោ និងឯកសារដែលបំពេញ ការងារកន្លងមកនៅអាកាសយានដ្ឋានអន្តរជាតិភ្នំពេញ។ ​  វគ្គបណ្ដុះបណ្ដាលបានបញ្ខប់   នៅថ្ងៃព្រហស្បតិ៍  ១១រោច ​ខែពិសាខ ​  ឆ្នាំម្សាញ់ សប្ដស័ក ត្រូវនិងទី២២ ខែឧសភា ឆ្នាំ២០២៥ដោយជោគជ័យ ប្រកបដោយប្រសិទ្ឋភាពខ្ពស់។